فلسفة حمار

عجبي عليك يا بن ادم يا كبير الدار
قومت الدنيا وما قعت لما قالو حمار
هوا اسمي شتيمة ولا جنسي دا عار
خلقني ربي وخلاقك ولا حدش لة خيار
وانا مهما زاد الحمل فوقي صابر علي المشوار
لا في يوم اقول اشمعنا اخويا واخد منة التار
ولا يوم ابص لرزق غيريواطق منة واغار
ولا ارفع في يوم عيني علي جارتي واصون الجار
ولا مهر ادفع لحمارتي وشبكة وسوار
ولا شقة اجمع في تمنها ولا اجهز دار
ولا حرمي حامل تتوحم عايزة الكافيار
ولا بنت تخرج عن طوعي وتجبلي العار
ولا ابن يدمن ويهلوس ويقع ينهار
عايش حياتي متهني ولية افكار؟
باكل وبشرب وبنهئ ومفيش اسرار
وعندي ابن ادم يخدمني ليل ونهار
ان جعت يشتريلي برسيمي بأغلي الاسعار
وفي مرضي يفضل يعالجني ويدعي الستار
خادم امين من غير راتب ولا حتي ايجار
والحين يا ابن ادم عرفت
مين فينا الحمار؟؟؟؟؟؟؟

هذا موضوع جميل جدا جدا
واتمنى لك دوام التوفيق والنجاح
وارجو السماح بمرورى على مواضيعك
ولك خالص والشكر والتقدير
مع تحيات احمد المصري